მონობა არ ვარგა არავის მიმართ, არც რუსების, არც ევროპელების, არც ამერიკელების - კალაძე

"ქართული ოცნების" გენერალური მდივანი, კახი კალაძე ისევ იმეორებს ნარატივს, რომ საქართველოს ომში ჩართვა სურთ. მისი აზრით, მონობა არ ვარგა არც რუსების მიმართ, არც ევროპელების მიმართ, არც ამერიკელების მიმართ.

"როდესაც ხდება საუბარი თუნდაც ომში ჩართვაზე. უამრავი განცხადებებია ამასთან დაკავშირებით, კიდევ ერთხელ ვიმეორებ, დღესაც გრძელდება ეს მოწოდებები, მნიშვნელოვანია ჩვენ შევინარჩუნოთ ღირსება, ჩვენი იდენტობა, ჩვენი სუვერენიტეტი. შეიძლება თქვენ გაქვთ სურვილი ცალ ფეხზე იდგეთ, ეს თქვენი ნებაა, შეგიძლიათ ასე იმოქმედოთ. 

მონობა არ ვარგა არავის მიმართ, არც რუსების მიმართ, არც ევროპელების მიმართ, არც ამერიკელების მიმართ. გამოდიოდნენ პირდაპირ საუბრობდნენ ამაზე, ამაზე, შეიძლება საამაყოც იყოსო რომელიღაცა ქვეყნის აგენტობა, ჩემთვის მიუღებელია. ვისაც აქვს სურვილი ცალ ფეხზე იდგეს და ცალ ფეხზე გააგრძელოს დამოკიდებულობა და მონობა, მათი გადასაწყვეტია", - თქვა კალაძემ.

კითხვაზე, ის რომ დასავლეთი საქართველოს ომში ჩათრევას ცდილობს, არის თუ არა რუსული ნარატივი, კალაძე პასუხობს: "ნარატივი არის რეალობა. თქვენ შეგიძლიათ ნახოთ განცხადებები, ხომ მარტივია ამის მოძიება". 

მისივე მტკიცებით, საქართველოში რუსულ პროპაგანდას "ნაციონალური მოძრაობა" და მასთან დაკავშირებული კრიტიკული მედიები არიან.