თურქეთის პრეზიდენტის, რეჯეფ თაიფ ერდოღანის განცხადებით, თურქეთი ფინეთის ნატო-ში გაწევრიანებას მხარს დაუჭერს.
"მჯერა, ფინეთის გაწევრიანებით ნატო გაძლიერდება და აქტიურ როლს ითამაშებს გლობალური უსაფრთხოებისა და სტაბილურობის შენარჩუნებაში" განაცხადა ერდოღანმა.
მან ქვეყნის პარლამენტს მიმართა, რომ ფინეთის ნატო-ში გაწევრიანების საკითხის რატიფიცირება მოახდინოს და იმედი გამოთქვა, რომ რატიფიკაციის პროცესი 14 მაისს დაგეგმილ საყოველთაო არჩევნებამდე დასრულდება.
თურქეთის პრეზიდენტმა აღნიშნა, რომ თურქეთი მოლაპარაკებებს განაგრძობს შვედეთთან.