პუტინის დაკავების ორდერის გაცემას "ქართული ოცნებიდან" პირველი ნინო წილოსანი გამოეხმაურა
გამოქვეყნდა:
ჩვენთან ერთად მოიპოვეთ თავისუფლება!
ჰააგის მიერ, პუტინის დაკავების ორდერის გაცემას "ქართული ოცნებიდან" პირველი, ნინო წილოსანი გამოეხმაურა. წილოსანი ფეისბუქზე წერს:
"პუტინთან დაკავშირებით ჰააგის სასამართლოს გუშინდელ გადაწყვეტილებაზე ერთი ამბავი რომ ქონდა ატეხილი ოპო სპიკერებს, არავის უხსენებია, რომ საქართველო იყო იმ 38 ქვეყანას შორის, რომლის მიმართვის საფუძველზეც ჰააგის სასამართლომ რუსეთის ომის დანაშაულების გამოძიება დაიწყო (მოლდოვა ამ მიმართვას არ შეუერთდა). ეს ორდერიც ამ გამოძიების შედეგია!
ტრადიციულად, რადიკალური ოპოზიცია ამ თემაზეც სპეკულირებს…" წერს წილოსანი
შეგახსენებთ, ჰააგის სისხლის სამართლის საერთაშორისო სასამართლომ 17 მარტს პუტინისა და რუსეთის ბავშვთა საკითხების ომბუდსმენის, მარია ლვოვა-ბელოვას დაპატიმრების ორდერები გასცა. სასამართლოს გადაწყვეტილების მიზეზად უკრაინის ოკუპირებული ტერიტორიებიდან ბავშვების გატაცება სახელდება.
