შეერთებული შტატების უშიშროების საბჭოს სპიკერის, ჯონ კირბის თქმით, რუსეთი და ჩინეთი საერთაშორისო წესრიგის დარღვევას ცდილობენ.
"ჩინეთი და რუსეთი ორი ქვეყანაა, რომლებიც ეწინააღმდეგებიან ამ საერთაშორისო წესებზე დაფუძნებულ წესრიგს, რომელიც აშშ-მა და ჩვენმა მოკავშირე ქვეყნებმა შექმნეს მეორე მსოფლიო ომის დასრულების შემდეგ. მათ თამაშის წესების გლობალურად შეცვლა სურთ", - თქვა კირბიმ Fox news-თან ინტერვიუში.
კირბიმ აღნიშნა, რომ შეერთებული შტატები ყურადღებით დააკვირდება ამ კვირაში სი ძინპინსა და პუტინს შორის დაგეგმილ შეხვედრას.
გავრცელებული ინფორმაციით, სი ძინპინისა და პუტინის შეხვედრა მოსკოვში 20-22 მარტს არის გაიმართება.
