ხერსონის რეგიონული სამხედრო ადმინისტრაციის უფროსის, ალექსანდრ პროკუდინის ინფორმაციით, რუსმა ოკუპანტებმა ხერსონში ჰუმანიტარული დახმარების პუნქტი დაბომბეს, დაჭრილია ორი მშვიდობიანი მოქალაქე.
"რუსი ოკუპანტები აგრძელებენ იმ ადგილების დაბომბვას, სადაც დახმარებას უწევენ მშვიდობიან მოსახლეობას. წუხელ რუსეთის არმიამ დონეცკის ოლქის კოსტიანტინივკაში "უძლეველობის პუნქტს" შეუტია, რუსული არტილერიის სამიზნე ხერსონში ჰუმანიტარული დახმარების მიწოდების პუნქტია. დაშავდა ორი ადამიანი" - წერს პროკუდინი
დაშავებულები საავადმყოფოში გადაიყვანეს.
