ოლეგ დერიპასკამ სანქციებიდან თავის ასარიდებლად, აქტივები ავსტრიის მოქალაქეს გადასცა - რუსი ოლიგარქების სქემა
გამოქვეყნდა:
კორუფციის პრევენციის ეროვნული სააგენტო უკრაინის სანქციების სიაში ავსტრიის მოქალაქის ზიგფრიდ ვოლფის დამატებას ელოდება, რომელსაც რუსმა ოლიგარქმა, ოლეგ დერიპასკამ სანქციების თავიდან აცილების მიზნით, აქტივები გადასცა.
"ფართომასშტაბიანი ომის დაწყებამდე პუტინმა შეკრიბა ყველა რუსი ოლიგარქი, რათა განეხილათ სამოქმედო გეგმა სანქციების გაზრდის შემთხვევაში. სწორედ ამ საუბრის შემდეგ, უცხოური მედიის ინფორმაციით, რუსი ოლიგარქების უმეტესობამ მოახერხა საკუთარი კომპანიებისა და ქონების ახლო გარემოცვისთვის გადაცემა, რათა თავიდან აეცილებინათ მომავალი აკრძალვები", - ნათქვამია განცხადებაში.
ზიგფრიდ ვოლფი რუსეთის ბაზარზე 2008 წლიდან მუშაობს. უკრაინაში რუსეთის სრულმასშტაბიანი შეჭრის დაწყებამდე ის მჭიდრო კავშირში იყო დერიპასკას კომპანიებთან GAZ Group, Russian Automobili Corporation (Nizhniyhorodski Automobili LLP), Holovbud Corporation, Nolana Holdings Limited.
მხოლოდ 2021 წელს, ვოლფის შემოსავალმა დერიპასკას ერთ-ერთ კომპანიაში, თითქმის 1 მლრდ რუბლი იყო.
