"ტექნიკური შეცდომა იყო"..."ყველაფერი ჩემს შვილზეა" - სამტრედიისა და წყალტუბოს მერები დარღვევებით შევსებულ დეკლარაციებზე
გამოქვეყნდა:
ჩვენთან ერთად მოიპოვეთ თავისუფლება!
იმერეთის რეგიონში საჯარო მოხელეები ქონებისა და შპს-ს წილების დამალვასთან დაკავშირებით ამბობენ, რომ ეს ტექნიკური ხარვეზი იყო.
"მთავარი არხის" კითხვაზე - "სამტრედიაში ფლობთ რამდენიმე მიწის ნაკვეთს, რატომ არ არის მითითებული?" - სამტრედიის მერი ამბობს: "ტექნიკური შეცდომის გამო მოხდა ეს და გასწორებულია. ცდომილება იყო წინა წლის იმასთან, რეალურად ტექნიკური შეცდომა იყო. ქონებრივი მდგომარეობა არ შეცვლილა".
წყალტუბოს მერი კი თანამდებობასთან შეუთავსებელ საქმიანობასთან დაკავშირებით, ამბობს: "არაფერი, მინდობილობით არის ყველაფერი ჩემს შვილზე".
შეგახსენებთ, რომ “საერთაშორისო გამჭვირვალობა - საქართველომ” იმერეთის 12 მუნიციპალიტეტის მერიისა და საკრებულოს 400-მდე თანამდებობის პირის დეკლარაცია შეისწავლა, საიდანაც 46-ში აღმოჩნდა დარღვევა და ფაქტობრივი უზუსტობა.
საერთაშორისო გამჭირვალობაში ამბობენ, რომ დარღვევებთან დაკავშირებით, საჯარო სამსახურის ბიუროს გამოსაკვლევად მიმართავენ.
