მოსკოვში, რუსეთის თავდაცვის სამინისტროს ერთ-ერთ შენობაში ხანძარი გაჩნდა. ინფორმაციას რუსული პროპაგანდისტული მედია ავრცელებს.
"ზნამენკას 19-ში, თავდაცვის სამინისტროს ტერიტორიაზე მდებარე ერთ-ერთ შენობაში გაჩნდა ხანძარი. ინტენსიური წვა შეინიშნება მესამე სართულის ფანჯრიდან", - ამბობენ რუსეთის საგანგებო სიტუაციების სამსახურში.
რუსული მედიის ცნობით, ხანძარს სირთულის ხუთი დონიდან მეორე აქვს მინიჭებული. როგორც უწყებაში ამბობენ, სართულზე, რომელზეც ცეცხლია, არის სქელი კვამლი და მაღალი ტემპერატურა.
