იმედს გამოვთქვამთ, რომ წარმოადგენთ მტკიცებულებებს, ან გადახედავთ გადაწყვეტილებას - დარჩიაშვილი ბლინკენს
გამოქვეყნდა:
ილია დარჩიაშვილი ენტონი ბლინკენისგან მტკიცებულებებს ითხოვს. საგარეო საქმეთა მინისტრის მიერ, აშშ-ის სახელმწიფო მდივნისთვის მიწერილ წერილში ნათქვამია, რომ მოსამართლეების დასანქცირება "მიუღებელი" და "გაუგებარია":
"სრულიად გაუგებარი და მიუღებელია აშშ-ის სახელმწიფო დეპარტამენტის გადაწყვეტილება მოსამართლეთა სანქცირების შესახებ, რომელიც ყოველგვარი მტკიცებულების წარმოდგენის გარეშე გასაჯაროვდა. იმედს გამოვთქვამთ, რომ სახელმწიფო დეპარტამენტი წარმოადგენს შესაბამის მტკიცებულებებს ან გადახედავს თავის გადაწყვეტილებას. სხვა შემთხვევაში, საქართველოს სახელმწიფოსა და ქართველი ხალხის მხრიდან აღნიშნული აღიქმება როგორც სუვერენული სახელმწიფოს დამოუკიდებელ სასამართლოზე ზეწოლა და მის საქმიანობაში უხეში ჩარევა, რაც საქართველოსა და აშშ-ის ორმხრივ მრავალწლიან მეგობრულ ურთიერთობებს დააზიანებს." ნათქვამია წერილში.
