"საზღვარი" 9 აპრილს, თბილისში დაგეგმილი აქციის გამო ჩავკეტეთ - სოხუმის საოკუპაციო რეჟიმი
გამოქვეყნდა:
დროებით ოკუპირებული აფხაზეთის ე.წ. სახელმწიფო უშიშროების სამსახურის "უფროსის", რუსტამ ლატიპოვის განცხადებით, ენგურის ხიდის დაკეტვა, თბილისში მოსალოდნელ საპროტესტო აქციებს უკავშირდება. საუბარია 9 აპრილის აქციაზე:
„აფხაზეთის სახელმწიფო საზღვარზე საქართველოსთან, მდინარე ენგურის გასწვრივ გადაადგილების დროებითი შეზღუდვები დაწესდა 9 აპრილთან დაკავშირებით, ჩვენი მოსახლეობის უსაფრთხოებისთვის." ნათქვამია განცხადებაში, რომელიც რუსული მედიით ვრცელდება.
შეგახსენებთ, საოკუპაციო რეჟიმმა ენგურის ხიდი ცალმხრივად დღეს ჩაკეტა.
