მოლდოვაში, კიშინიოვიდან კიევისკენ მიმავალი სამგზავრო ავტობუსი ამობრუნდა.
როგორც მოლდოვური გამოცემა Newsmaker იტყობინება, შემთხვევა დღეს, დაახლოებით 9:40 საათზე დროკოვის რაიონში მოხდა. პოლიციის ინფორმაციით, სამედიცინო დაწესებულებაში 9 უცხო ქვეყნის მოქალაქეა გადაყვანილი. ავტობუსში სულ 21 ადამიანი იმყოფებოდა.
არსებული ინფორმაციით, ავტობუსის მძღოლმა კონტროლი დაკარგა და ხეს შეეჯახა, შემდეგ კი თხრილში ჩავარდა. სამართალდამცველები არ გამორიცხავენ, რომ შემთხვევა ტექნიკურმა გაუმართაობამ გამოიწვია.
