დანიის სამეფოს თავდაცვის მინისტრის მოვალეობის შემსრულებელმა ტროელს ლუნდ პულსენმა, ოდესაში დანიისა და უკრაინის თავდაცვის მინისტრების ბრიფინგზე განაცხადა, რომ ზაფხულისთვის უკრაინა დანიიდან Leopard-1-ის ტანკების მიღებას დაიწყებს.
"Leopard-ის უკრაინაში მიწოდებას ზაფხულისთვის დავიწყებთ. იმედი მაქვს, რომ შესაძლებელი იქნება 100-მდე Leopard-1 ტანკის გადატანა, რაც მნიშვნელოვანი დახმარება იქნება უკრაინის არმიისთვის" - თქვა პოლსენმა.
გარდა ამისა, მომავალ თვეში უკრაინამ შესაძლოა CAESAR-ის საარტილერიო დანადგარები მიიღოს, რომლებზეც უკრაინელი სამხედროები დანიის საწვრთნელ ბაზაზე უკვე ვარჯიშობენ.
