აშშ-მა ოფიციალურად მიიჩნია WSJ-ის ჟურნალისტი რუსეთის მიერ "არამართებულად დაკავებულად"
გამოქვეყნდა:
ჩვენთან ერთად მოიპოვეთ თავისუფლება!
შეერთებული შტატების სახელმწიფო დეპარტამენტმა Wall Street Journal-ის ჟურნალისტი, ევან გერშკოვიჩი ოფიციალურად მიიჩნია რუსეთის მიერ "არამართებულად დაკავებულად" და რუსეთს მისი დაუყოვნებლივ გათავისუფლებისკენ მოუწოდა.
"დღეს სახელმწიფო დეპარტამენტის მდივანმა დაადგინა, რომ ევან გერშკოვიჩი არამართებულად არის დაკავებული რუსეთის მიერ", - თქვა სახელმწიფო დეპარტამენტის პრესსპიკერი მოადგილემ ვედანტ პატელმა.
ოფიციალურად აღიარება ხაზს უსვამს შეერთებული შტატების მთავრობის განცხადებებს, რომ რეპორტიორის წინააღმდეგ ჯაშუშობის ბრალდებები უსაფუძვლოა. ეს ნაბიჯი აშშ-ს მეტ შესაძლებლობას მისცემს გამონახოს ნებისმიერი გზა ჟურნალისტის გასათავისუფლებლად.
WSJ-ის ჟურნალისტი ეკატერინბურგში 29 მარტს დააკავეს. გასულ კვირას მას ჯაშუშობის ბრალდება ოფიციალურად წაუყენეს. WSJ გადაჭრით უარყოფს გერშკოვიჩისთვის წაყენებულ ბრალდებებს და მოითხოვს მის გათავისუფლებას.
