"საქართველოს მონაპოვარი აქვს სასამართლოს დამოუკიდებლობა, რის წინააღმდეგაც გააფთრებული შეტევა მიდის" | სარჯველაძე

"ის, რაც საქართველოს მონაპოვარი აქვს სასამართლო ხელისუფლების დამოუკიდებლობის სახით, გამოდის რომ ამის წინააღმდეგ გააფთრებული შეტევა მიდის" - ამის შესახებ "ქართული ოცნების" წევრმა მიხეილ სარჯველაძემ "იმედის" ეთერში ისაუბრა, რითიც ოპოზიციის მიერ საგამოძიებო კომისიის შექმნის მოთხოვნას გამოეხმაურა.

როგორც მან აღნიშნა, როდესაც ხელისუფლება ხელში აიღებს მოსამართლეების სამსახურიდან დათხოვნის შესაძლებლობას, მანდ დამთავრდება "ნაწვალები სასამართლო ხელისუფლების დამოუკიდებლობის იდეა"

"სასამართლო ხელისუფლების დამოუკიდებლობა ვერ იძლევა შესაძლებლობას, რომ საპარლამენტო ტრიბუნებიდან ხდებოდეს, მათ შორის, კონკრეტული მოსამართლეების ავკარგიანობის შეფასება. ეს არის ძალიან ცუდი ტენდენციას, ძალიან სახიფათო და მავნებლური. მავნებლური იმიტომ, რომ ის, რაც საქართველოს მონაპოვარი აქვს სასამართლო ხელისუფლების დამოუკიდებლობის სახით, გამოდის რომ ამის წინააღმდეგ გააფთრებული შეტევა მიდის.

როდესაც პოლიტიკური ხელისუფლება ხელში აიღებს ინდივიდუალურ მოსამართლეებზე, მათზე შეფასების შესაძლებლობას, მათი სამსახურიდან დათხოვნის შესაძლებლობას, უნდა ვიცოდეთ, რომ მანდ დამთავრდება ნაწვალები სასამართლო ხელისუფლების დამოუკიდებლობის იდეა" - თქვა სარჯველაძემ.

შეგახსენებთ, ოპოზიცია ითხოვს შეიქმნას საგამოძიებო კომისია, რომელიც სასამართლო სისტემაში არსებულ ხარვეზებს გამოავლენს.