მედია: ყაზახეთი აზერბაიჯანისა და საქართველოს გავლით ნავთობის ექსპორტის გაზრდას გეგმავს
გამოქვეყნდა:
უცხოური მედიის ინფორმაციით, ყაზახეთის ვიცე-პრემიერმა, ვაჭრობისა და ინტეგრაციის მინისტრმა, სერიკ ჟუმანგარინმა მედიასთან განაცხადა, რომ ყაზახეთი აზერბაიჯანისა და საქართველოს გავლით ნავთობის ექსპორტის გაზრდას გეგმავს.
"გასულ წელს "ყაზმუნაიგაზმა" და "სოკარმა" საბოლოოდ მოაწერეს ხელი შეთანხმებას, 2023 წლიდან ბაქო-თბილისი-ჯეიჰანის მილსადენით 1.5 მილიონი ტონა ნავთობის მიწოდებას ვგეგმავთ. მარტში უკვე დაიწყო პროცესი, პირველი ორი ტანკერი გაიგზავნა - ეს 20 ათასი ტონაა, აპრილისთვის 125 ათასი ტონა არის დაგეგმილი.
გუშინ საკმაოდ მკაფიოდ განიხილებოდა გაერთიანებული საწარმოს შექმნის საკითხი, რომელიც ამ სატრანზიტო მარშრუტზე ერთიანი ოპერატორი იქნებოდა, გამჭოლი ტარიფით, ტრანზიტის იაფი შესაძლებლობებით, ინოვაციური ტექნოლოგიების გამოყენებით" - განაცხადა ჟუმანგარინმა.
