ანექსირებულ ყირიმში, 9 მაისის სამხედრო აღლუმი და უკვდავი პოლკის მსვლელობა გაუქმდა
გამოქვეყნდა:
რუსეთის მიერ ანექსირებულ ყირიმში, "უსაფრთხოების მიზნით", სამხედრო აღლუმი და უკვდავი პოლკის მსვლელობა გაუქმდა.
"ყირიმის რესპუბლიკის ხელისუფლებამ და გმირმა ქალაქ სევასტოპოლმა მიიღეს ერთობლივი გადაწყვეტილება, არ მოეწყოთ სადღესასწაულო დემონსტრაციები - 1-ელ მაისს, უკვდავი პოლკის მსვლელობა და 9 მაისს სამხედრო აღლუმი. ეს გადაწყვეტილება გამოწვეულია უსაფრთხოების თვალსაზრისით", ნათქვამია ე.წ. ხელისუფლების განცხადებაში.
მოგვიანებით, სევასტოპოლის ე.წ. გუბერნატორმა, მიხაილ რაზვოჟაევმა აღნიშნა, რომ გადაწყვეტილება ქალაქში გამარჯვების დღეს აღლუმის შესახებ ჯერ არ არის მიღებული.
