საბჭოთა და შემდეგ უკვე რუსული პროპაგანდის ერთ-ერთი მთავარი ნაწილი - ანტიდასავლური რიტორიკა "ქართული ოცნების" განუყოფელ ნაწილად იქცა. არასამთავრობო სექტორის მკვლევარებმა დეტალურად შეისწავლეს, ჯერ კიდევ საბჭოთა საქართველოს ხელისუფლების, შემდეგ პუტინის რუსეთისა და პარალელურად, დღევანდელი "ქართული ოცნების" პროპაგანდის სტრატეგია და საინტერესო მსგავსება დაადგინეს.
ირკვევა, რომ პოლიტიკოსების განცხადებები საქართველოშიც და რუსეთშიც, საბჭოთა პერიოდშიც და ახლაც ცალსახად იდენტური შინაარსისაა და ძირითადად დასავლური სამყაროსა და მისი ღირებულებების წინააღმდეგ არის მიმართული. ექსპერტები მიიჩნევენ, რომ უახლოეს მომავალში, ნებისმიერი დასავლური პოლიტიკური პროექტის ჩავარდნის შემთხვევაში ხელისუფლება კვლავ ამ ნაცად რიტორიკას გამოიყენებს თავის გასამართლებლად.
