ფინეთმა რუსეთის საზღვარზე ღობის პირველი მონაკვეთის მშენებლობა დაიწყო - ინფორმაციას
Reuters ავრცელებს.
ღობე ფოლადის ბადითაა დამზადებული და დაგეგმილია 2026 წლის ბოლოსთვის, 200 კილომეტრის დაფარვა. მასზე დამონტაჟებული იქნება სათვალთვალო აღჭურვილობა.
"ფინეთ-რუსეთის საზღვარზე ვითარება ამ დროისთვის სტაბილურია, მაგრამ უსაფრთხოების ამ სრულიად შეცვლილ სიტუაციაში ფინეთს უნდა ჰქონდეს უფრო საიმედო და დამოუკიდებელი სასაზღვრო კონტროლი. ფინეთი ნაკლებად უნდა იყოს დამოკიდებული რუსეთის საზღვრის კონტროლზე", - ამბობს ფინეთის სასაზღვრო სამსახურის გენერალი, იარი ტოლპანენი
ფინეთის სასაზღვრო სამსახურის მონაცემებით, გასულ წელს, აღნიშნულ მონაკვეთზე, მესაზღვრეებმა საზღვრის უკანონო კვეთის 800 მცდელობა აღკვეთეს.
