შაბათს საღამოს უკრაინის დედაქალაქ კიევში, დესნიანსკის რაიონში, აფეთქება მოხდა, რის შედეგადაც ორი ადამიანი დაშავდა - ინფორმაციას ამის შესახებ კიევის პოლიციის საზოგადოებასთან ურთიერთობის სამსახური ავრცელებს.
უწყების ცნობით, ადგილზე ექსპერტ-კრიმინალისტები და სპეციალური საგამოძიებო სამსახურის თანამშრომლები მუშაობდნენ.
„დღეს [შაბათი,15 აპრილი] საღამოს, კიევის პოლიციამ მიიღო ინფორმაცია, რომ მილოსლავსკას ქუჩაზე აფეთქების ხმა გაისმა. მოგვიანებით ქალი და კაცი დაშავებულები იპოვეს“,- ნათქვამია განცხადებაში.
წინასწარი ინფორმაციით,ყუმბარა აფეთქდა, რის შედეგადაც ორი ადამიანი დაშავდა. დაშავებულები ამ დროისთვის საავადმყოფოში არიან მოთავსებულები.
