Reuters-ის ინფორმაციით, ფინეთში ევროპის უმსხვილესი ბირთვული რეაქტორი Olkiluoto 3 (OL3) ამუშავდა.
ოპერატორ კომპანია Teollisuuden Voima-ს განცხადებით, რეაქტორი ფინეთის ელექტროენერგიის მოთხოვნის 14%-ს დააკმაყოფილებს და შედეგად, შესაძლებელი გახდება შვედეთიდან და ნორვეგიიდან იმპორტის შემცირება.
ახალი რეაქტორი, სულ მცირე, 60 წელი იმუშავებს.
რეაქტორის სიმძლავრე 1,6 გიგავატია და მისი მშენებლობა 2005 წელს დაიწყო.
