მედია: რუს და ბელარუს ჰოკეისტებს უკრაინაში ომის დასრულებამდე ტურნირებში ასპარეზობის უფლებას არ მისცემენ
გამოქვეყნდა:
რუს და ბელარუს სპორტსმენებს ყინულის ჰოკეის საერთაშორისო ფედერაციის ტურნირებში მონაწილეობის უფლება არ მიეცემათ, სანამ უკრაინაში ომი გრძელდება, - ამის შესახებ ორგანიზაციის პრეზიდენტმა ლუკ ტარდიფმა განაცხადა, რომელსაც უკრაინული მედია ავრცელებს.
"იმედი მაქვს, რუსეთი და ბელარუსი რაც შეიძლება მალე დაბრუნდებიან, რადგან ეს ნიშნავს, რომ ომი დასრულდა. ეს გულშემატკივრების და ჩვენი გუნდების უსაფრთხოების საკითხია" - თქვა ტარდიფმა
შეგახსენებთ, რომ ამჟამად აგრესორ ქვეყნებს შეჯიბრებებში მონაწილეობის აკრძალვა 2024 წლის ბოლომდე აქვთ.
