მე არ ვიცი რა სასწაული უნდა მოხდეს, რომ ის დაუბრუნდეს საწყის მდგომარეობას - გიული ალასანია მიხეილ სააკაშვილზე
გამოქვეყნდა:
მოვთხოვთ დროებით გადავადებას, რომ მიეცეს ადამიანს ჯანმრთელობის მდგომარეობის აღდგენის საშუალება - აცხადებს გიული ალასანია სტრასბურგში გაგზავნილ საჩივართან დაკავშირებით. ალასანიას ინფორმაციით, ევროსასამართლომ დოკუმენტი ჩაიბარა, თუმცა მომდევნო ნაბიჯები ჯერჯერობით უცნობია.
რაც შეეხება მესამე პრეზიდენტის მდგომარეობას, გიული ალასანიას თქმით, ვითარება უცვლელია და მიხეილ სააკაშვილს ისევ აქვს ტემპერატურა, წნევა, ძლიერი სისუსტე - "იმდენად სუსტად არის, რომ მე არ ვიცი რა სასწაული უნდა მოხდეს რომ ის დაუბრუნდეს საწყის მდგომარეობას, მაგრამ ყოველ შემთხვევაში, რაღაც შანსი უნდა მიეცეს" თქვა ალასანიამ, რომელიც ვივა მედში იმყოფება.
