"მადლობა გადავუხადე Patriot-ის სისტემების გადმოცემისთვის" | ზელენსკი ნიდერლანდების პრემიერს ესაუბრა
გამოქვეყნდა:
უკრაინის პრეზიდენტმა ვოლოდიმირ ზელენსკიმ და ნიდერლანდების პრემიერმინისტრმა მარკ რუტემ სატელეფონო საუბარი გამართეს. როგორც ზელენსკი Twitter-ზე წერს, საუბარი "ნაყოფიერი" იყო, სადაც მან ნიდერლანდების პრემიერს გაწეული დახმარებისთვის მადლობა გადაუხადა.
"ჩვენ განვიხილეთ ფრონტზე არსებული ვითარება. მადლობა გადავუხადე Patriot-ის სისტემების გადმოცემისთვის და დანიასთან ერთობლივი გადაწყვეტილების გამო , გადმოგვცეს 14 Leopard 2. ასევე 274 მილიონი ევროს გამოყოფისთვი, ასევე უკრაინის მხარდაჭერის პაკეტისთის, რომელიც 2,5 მილიარდ ევროს მოიცავს. ჩვენ ვაგრძელებთ, რომ ვიმუშაოთ ნიდერლანდებთან აგრესორის მართლმსაჯულების წინაშე დასასჯელად", - წერს ზელენსკი.
სატელეფონო საუბართან დაკავშირებით მარკ რუტეს ჯერჯერობით არ უსაუბრია.
შეგახსენებთ, აშშ-დან და ნიდერლანდებიდან პატრიოტის საზენიტო-სარაკეტო კომპლექსები ჩავიდა. ხუთშაბათს კოპენჰაგენმა გამოაცხადა, რომ დანიამ და ნიდერლანდებმა ერთობლივად გადასცეს უკრაინას 14 ტანკი Leopard 2, რომელიც უკრაინას მომავალ წელს გადაეცემა.
