აშშ-ის თავდაცვის მდივანი ლოიდ ოსტინი გერმანიაში, აშშ-ის საჰაერო ძალების ბაზაზე "რამშტეინში" ჩავიდა, სადაც პარასკევს უკრაინის თავდაცვის საკითხებზე საკონტაქტო ჯგუფის შეხვედრა გაიმართება.
"მივედი რამშტეინის საავიაციო ბაზაზე, სადაც ხვალ ვუმასპინძლობ უკრაინის თავდაცვის საკონტაქტო ჯგუფს 40-ზე მეტ მოკავშირე და პარტნიორ ქვეყანასთან ერთად, რათა გავაგრძელოთ ჩვენი მნიშვნელოვანი მუშაობა უკრაინის უსაფრთხოების ყველაზე გადაუდებელი საჭიროებების მხარდასაჭერად", - წერს ოსტინი.
