ფეხბურთის ფედერაციის ყოფილი ვიცე-პრეზიდენტის, ლერი სულაბერიძის საქმეზე დაკავებულ ირაკლი ღლონტს აღკვეთის ღონისძიების სახით პატიმრობა შეეფარდა.
წინასასამართლო სხდომა 2020 წლის 23 სექტემბერს, 12:00 საათზე ჩაინიშნა.
სხდომა ხმაურის ფონზე მიმდინარეობდა. ბრალდებულს პროცესი პროკურორისთვის სიტყვიერი შეურაცხყოფის მიყენების გამო დაატოვებინეს.
შეგახსენებთ, რომ ირაკლი ღლონტს პროკურატურამ ლერი სულაბერიძის განზრახ მკვლელობის მცდელობისა და ცეცხლსასროლი იარაღის მართლსაწინააღმდეგო შეძენა, შენახვა-ტარებას ედავება.
სამართალდამცველებმა ის 29 ივლისს დააკავეს.
ლერი სულაბერიძის მანქანას 28 ივლისს, ბაგებში ესროლეს. თავად სულაბერიძეს დაზიანება არ მიუღია.
