მორიგი დაპირისპირება ენმ-ში | რატომ ამოშალეს ბათუმის საკრებულოს სიიდან ნიკა მელიას მხარდამჭერები
გამოქვეყნდა:
"ნაციონალური მოძრაობის" ორ ბანაკს შორის კონფრომტაცია სულ უფრო მწვავდება. ახალი კონფლიქტი პარტიის თავმჯდომარის გადაწყვეტილებას უკავშირდება, რომელმაც ბათუმის საკრებულოს სიიდან ნიკა მელიას ოთხი მხარდამჭერი ამოშალა.
ლევან ხაბეიშვილის გუნდში ამ გადაწყვეტილებას პარტიის წევრების პასიურობითა და ახალი მენეჯმენტის არაკორექტული კრიტიკით ხსნიან. განდგომილთა ბანაკში კი ახალი თვმჯდომარის მხრიდან რეპრესიებზე საუბრობენ.
მთავარ ოპოზიციური პარტიაში ღია ბრალდებებს და დაუფარავ ლანძღვას უკვე აღარავინ ერიდება, რაც კიდევ უფრო რეალურს ხდის პოლიტიკურ პროგნოზებს ორად გაყოფილი "ნაციონალური მოძრაობის" საბოლოო დაშლის შესახებ.
