რუსეთში, ვოლგოგრადის ოლქში სასწრაფო სამედიცინო დახმარების ვერტმფრენი ჩამოვარდა. პროპაგანდისტული მედია TASS წერს, რომ პილოტი ადგილზე დაიღუპა.
ადგილობრივი სამსახურები ამბობენ, რომ ვერტმფრენში სხვა მგზავრები არ ყოფილან.
"ერთ-ერთი ვერტმფრენი, რომელიც ემსახურება სასწრაფო დახმარების სამსახურს, მგზავრების გარეშე, ბაზაზე დაბრუნებისას ჩამოვარდა. პილოტი ადგილზე გარდაიცვალა", - თქვეს ჯანდაცვის რეგიონულ კომიტეტში.
რუსეთის საგამოძიებო კომიტეტმა თქვა, რომ ჩამოვარდნილი ვერტმფრენი და პილოტის ცხედარი ნახეს ვოლგოროდის ოლქის სოფელ ერზოვკასთან ახლოს.
