ევროპული საბჭოს პრეზიდენტმა არ ჩათვალა საჭიროდ ერთობლივი პრესკონფერენცია გაემართა ღარიბაშვილთან - სამადაშვილი
გამოქვეყნდა:
ამ ვიზიტების შედეგი შეიძლება აღვწეროთ მხოლოდ ერთი სიტყვით- სრული პოლიტიკური კრახი - ასე აფასებს "ლელოს" დეპუტატი სალომე სამადაშვილი ხელისუფლების პირველი პირების შეხვედრებს ბრიუსელში.
სამადაშვილის თქმით, შარლ მიშელმა საერთოდ საჭიროდ არ ჩათვალა ღარიბაშვილთან ერთობლივი ბრიფინგის ჩატარება, რადგან 12 რეკომენდაციის შესრულების მოწოდების გარდა, პარტნიორებს "ოცნების" ხელისუფლებისთვის სათქმელი არაფერი აქვთ:
"ჩვენ ვნახეთ, რომ არცერთი შეხვედრის შემდეგ, არც პრემიერმინისტრის, არც საგარეო საქმეთა მინისტრის, არც პარლამენტის თავმჯდომარის ვიზიტების შედეგად, ვერ მოვისმენთ ვერც ერთი მნიშვნელოვანი პოლიტიკური განცხადება.
ჩვენ ვნახეთ, რომ ევროპული საბჭოს პრეზიდენტმა საერთოდ არ ჩათვალა საჭიროდ რომ ერთობლივი პრესკონფერენცია გაემართა პრემიერმინისტრთან იმიტომ, რომ როგორც ჩანს, პოზიტიური სათქმელი მას არაფერი არ ჰქონდა და ჩვენ ვნახეთ რომ ერთადერთი რაც კეთდება არის მოწოდება, რომ საქართველოს ხელისუფლებამ შეასრულოს 12 პუნქტიანი მოთხოვნა" ამბობს სამადაშვილი.
