თურქეთის პრეზიდენტი, რეჯეფ თაიფ ერდოღანი პირდაპირ ეთერში შეუძლოდ გახდა. ამჟამად ის სახლში იმყოფება, ერდოღანმა წინასაარჩევნო დაგეგმილი ღონისძიებები გააუქმა.
"ექიმების რჩევით, სახლში ვრჩები", - დაწერა ერდოღანმა Twitter-ზე და აღნიშნა, რომ მისი ცუდად გახდომა "დატვირთულ სამუშაოს" უკავშირდებოდა.
თურქეთის პრეზიდენტი შეუძლოდ ერთ-ერთი თურქული ტელევიზიასთან ინტერვიუს დროს გახდა. ამის გამო პირდაპირი ეთერი დროებით შეწყდა. თურქული მედიის ინფორმაციით, სატელევიზიო პროგრამა, რომელიც საპრეზიდენტო კომპლექსიდან გადაიცემოდა, დაგეგმილზე 1.5 საათით გვიან, 23:30 საათზე დაიწყო.
თურქეთის მმართველ პარტიაში კი განაცხადეს, რომ ხვალ, ატომურ ელექტროსადგურზე დაგეგმილ ცერემონიალში ერდოღანი ონლაინ ჩაერთვება.
