კრამონი გარედან ეხმარება ჩვენს მავნებლებს, რომ სტატუსის ვერმიღებაზე გეგმა განხორციელდეს - მდინარაძე

გამოქვეყნდა:

ორი რაღაცის მცდელობასთან გვაქვს საქმე. ჩვენ ხომ ვიცით, რომ მათ [ოპოზიციის] გეგმაში მაქსიმალურად უნდა აიწიოს მოლოდინი სტატუსთან დაკავშირებით და თუკი ვინმე ამ მოლოდინთან დაკავშირებით სხვაგვარ აზრს გამოთქვამს, რომ რაც ჩვენზეა დამოკიდებული გავაკეთებთ და თუ ასე არ იქნა, რა გავაკეთოთ - მსგავსი დათქმა თუ ვინმემ გააკეთა, უკვე მოლოდინის აწევა მათი მხრიდან აღარ გამოდის და თუ მოლოდინი არ აიწია მაქსიმალურად და თუ რაღაც სხვანაირად მოხდა და ეს ხელისუფლებას არ დაბრალდა, მათთვის ეს წარმოუდგენელი ამბავია.

ისინი გეგმას იცავენ, კრამონიც გარედან ეხმარება ამ ჩვენს მავნებლებს, რომ გეგმა, რომელიც უნდა იყოს კანდიდატის სტატუსის ვერმიღება, განხორციელდეს და შემდეგ გაგრძელდეს, რომ ამას მოჰყვეს ქვეყანაში ქაოსი არეულობა და ნაცმოძრაობა დაბრუნდეს და ამ გეგმას ვერ შეასრულებენ, თუ მოლოდინი რეალური კი არა, გადაჭარბებულიც არ იქნა და თუ ამ მოლოდინთან დაკავშირებით ცოტა სხვანაირი მესიჯი გახმოვანდა ვინმეს მხრიდან, უმალვე თავს ესხმიან, ეს შემთხვევით ამბავი არ არის.

თქვა "ქართული ოცნების" დეპუტატმა, მამუკა მდინარაძემ. ცნობისთვის, ევროპარლამენტარმა, ვიოლა ფონ კრამონმა განაცხადა, რომ "თუ EU საქართველოს კანდიდატის სტატუსს მიანიჭებს, ამას გააკეთებს იმიტომ, რომ ქართველი ხალხი იმსახურებს".

მთავარი 21:00
უყურეთ ბოლო გამოშვებას

იხილეთ ჩვენს ეთერში

დღის მთავარი