დონეცკის რეგიონალური სახელმწიფო ადმინისტრაციის ხელმძღვანელის, პავლო კირილენკოს ცნობით, რუსმა ოკუპანტებმა რაკეტებით მასიურად დაბომბეს დონბასში მდებარე ქარხნები. კერძოდ, ცეცხლის ქვეშ მოექცა სლავიანსკისა და კრამატორსკის სამრეწველო საწარმოები.
კირილენკოს ინფორმაციით, სლავიანსკში 2 S-300 რაკეტა მოხვდა ქარხნის შენობას, კრამატორსკში კი დაზიანდა ნოვოკრამატორსკის მანქანათმშენებლობის ქარხნის ადმინისტრაციული შენობა.
თავდასხმას მსხვერპლი არ მოჰყოლია. დაზიანდა შენობები, თუმცა ყველა ღირებული ტექნიკა დროულად იქნა ევაკუირებული უკრაინის უსაფრთხო რეგიონებში.
