ანტისამთავრობო აქცია მოლდოვაში | პროტესტის მონაწილეები პრეზიდენტის გადადგომას მოითხოვენ
გამოქვეყნდა:
მოლდოვაში, კიშინოვის ცენტრში "მოძრაობა ხალხისთვის" მიერ ორგანიზებული საპროტესტო აქცია გაიმართა.
აქციის მონაწილეები პრეზიდენტის მაია სანდუს გადადგომას და ვადამდელი არჩევნების დანიშვნას ითხოვენ. ინფორმაცია მოლდოვურ მედიაში გავრცელდა.
აქციაში სამი ოპოზიციური პარტია მონაწილეობს.
პოლიციის ცნობით, ისინი იცავენ მოქალაქეების უსაფრთხოებას, საზოგადოებრივი წესრიგისა და უსაფრთხოების, საგზაო მოძრაობის ნორმებს. სამართალდამცავები ამბობენ, რომ საეჭვო საქციელის მქონე 27 პირი პოლიციის სამმართველოში იდენტიფიცირებისა და დოკუმენტაციის შესამოწმებლად გადაიყვანეს, მათგან 4-მა აღიარა, რომ შეხვედრაზე ანაზღაურების სანაცვლოდ იყო მისული.
