სამხრეთ ოსეთის დე ფაქტო პრეზიდენტი, ალან გაგლოევი "სამუშაო ვიზიტით" ჩეჩნეთში ჩავიდა. ის ხვალ ჩეჩნეთის რესპუბლიკის ხელმძღვანელთან, რამზან კადიროვთან შეხვედრას გამართავს.
ადგილობრივი მედიის ცნობით, შეხვედრაზე განიხილავენ "რესპუბლიკებს შორის ორმხრივ თანამშრომლობას".
გაგლოევი მონაწილეობას მიიღებს ჩეჩნეთის რესპუბლიკაში "სამხრეთ ოსეთის კულტურის დღეების" ფარგლებში გამართულ ღონისძიებებში.
