გამიხარდებოდა აშშ-ს ჰქონდეს შესაძლებლობა, რომ საქართველოს მოსახლეობას მოუხსნას სავიზო რეჟიმი - კალაძე
გამოქვეყნდა:
კალაძე აშშ-სთან უვიზო რეჟიმს ითხოვს. მისი თქმით, მისასალმებელი იქნება, საქართველოს სტრატეგიულმა პარტნიორმა "ქართველებს მისცეს შესაძლებლობა", ამერიკაში ვიზების გარეშე, ან გამარტივებული პროცესის გავლით ჩავიდნენ.
კალაძემ სტატისტიკა მოიშველია და აცხადებს, რომ მეზობელ ქვეყნებთან შედარებით, საქართველოში აშშ-ს საელჩოში გაცემული ვიზების რაოდენობა მცირეა.
„მივესალმები იმას, რომ ჩვენს სტრატეგიულ პარტნიორ ქვეყანასთან საქართველოს მოქალაქეების გადაადგილება უვიზოდ იყოს შესაძლებელი. შეიძლება, ეს დღეს რთულად გასაკეთებელი იყოს, მაგრამ გაცემული ვიზების რაოდენობის სტატისტიკა რომ ვნახოთ, საქართველო ამ მხრივ მეზობელ ქვეყნებს ძალიან ჩამორჩება. გამიხარდებოდა ჩვენს სტრატეგიულ პარტნიორს ჰქონდეს იმის შესაძლებლობა, რომ საქართველოს მოსახლეობას მოუხსნას სავიზო რეჟიმი ან კიდევ უფრო გამარტივდეს ეს პროცესი" ამბობს კალაძე.
