რუსეთის ათასზე მეტი მოქალაქე მობილიზაციას ფინეთში გაექცა, - ინფორმაციას უკრაინული მედია Sky News-ზე დაყრდნობით ავრცელებს.
გამოცემა წერს, რომ ახლა ფინეთი ევროკავშირის გადაწყვეტილებას ელოდება მობილიზაციას გაქცეული რუსების ბედთან დაკავშირებით, ვიდრე მათთვის თავშესაფრის მინიჭების გადაწყვეტილებას მიიღებს.
ფინეთის საიმიგრაციო სამსახურის მონაცემებით, თავშესაფარი სულ რუსეთის 1 109-მა მოქალაქემ მოითხოვა. ჯერჯერობით უცნობია, როდის გასცემს ევროკავშირი თავის რეკომენდაციას ამ საკითხთან დაკავშირებით.
ცნობისთვის, ფინეთმა იანვარში შეაჩერა თავშესაფრის განაცხადების განხილვა მობილიზაციისგან გაქცეული რუსებისთვის.
