"ქართულმა ოცნებამ" ქოლ-ცენტრების საქმეზე საპარლამენტო საგამოძიებო კომისიის შექმნის საკითხი ჩააგდო
გამოქვეყნდა:
პარლამენტმა საქართველოში მოქმედი ქოლ-ცენტრების საქმეზე საგამოძიებო კომისიის შექმნის ინიციატივა ჩააგდო.
სესიაზე რეგისტრაცია დეპუტატების უმრავლესობამ არ გაიარა. სხდომაზე მხოლოდ 54 დეპუტატი დარეგისტრირდა, შესაბამისად კვორუმი არ შედგა.
"რეგისტრაცია გაიარა პარლამენტის 54-მა წევრმა, კვორუმი არ არის, გადავდივართ შემდეგ საკითხზე," - მიმართა პარლამენტის თავმჯდომარემ შალვა პაპუაშვილმა დეპუტატებს.
ქოლ-ცენტრების საქმიანობასთან დაკავშირებული საგამოძიებო კომისიის შექმნა პარტია "საქართველოსთვის" მიერ იყო ინიცირებული.
შეგახსენებთ, რომ მმართველმა პარტიამ ამგვარ მეთოდს წარსულშიც მიმართა, როდესაც საპარლამენტო ოპოზიცია სანქცირებულ მოსამართლეებთან დაკავშირებით ცდილობდა საგამოძიებო კომისიის შექმნას.
