პარტია "დროას" ლიდერის, ელენე ხოშტარიას ინფორმაციით, აეროპორტთან აქციის დროს დაკავებულებიდან ერთი ჯანმრთელობის მდგომარეობის გამო გაათავისუფლეს, ხოლო 5 სავარაუდოდ დროებითი დაკავების იზოლატორშია.
ხოშტარიას ცნობითვე, დაკავებულთა შორისაა, სამოქალაქო აქტივისტი ნატა ფერაძეც.
"არაფერი არ ვიცით, ერთი გამოუშვეს ჯანმრთელობის მდგომარეობის გამო და იმისგან გავიგეთ, რომ შუშებიან შენობაში [შსს-ს] იყვნენ, თუმცა ახლა აქ არიან.. კახეთის გზატკეცილზე, სადაც არის შუშებიანი შენობა..ერთ ადვოკატს ბოლომდე პასუხს არ სცემენ, ამიტომ ვარკვევთ და ბოლომდე მივყვებით.. კიდევ 5 ადამიანია [ამჟამად] დაკავებული" - ამბობს ელენე ხოშტარია "დღის სტუმრის" ეთერში ჩართვისას.
შეგახსენებთ, რუსეთიდან დღეს პირველი ავიარეისი შესრულდა. Azimuth Airlines- ის ხომალდს აეროპორტში აქციით დახვდნენ.
შსს-ს ამ დრომდე არ გაუვრცელებია ოფიციალური ინფორმაცია, რამდენი პირია დაკავებული.
