მომავალ კვირას "რამშტეინის" ფორმატში უკრაინის თავდაცვის საკონტაქტო ჯგუფის მორიგი შეხვედრა გაიმართება | რეზნიკოვი
გამოქვეყნდა:
უკრაინის თავდაცვის მინისტრმა ალექსეი რეზნიკოვმა განაცხადა, რომ მომავალ კვირას "რამშტეინის" ფორმატში უკრაინის თავდაცვის საკონტაქტო ჯგუფის მორიგი შეხვედრა გაიმართება.
მისი თქმით, უკრაინისთვის საჰაერო/სარაკეტო თავდაცვის გაძლიერება პირველ პრიორიტეტად რჩება, ასევე ყურადღების ცენტრში რჩება სახმელეთო სისტემები.
"საჰაერო თავდაცვის/სარაკეტო თავდაცვის გაძლიერება ჩვენს ნომერ პირველ პრიორიტეტად რჩება. თანამედროვე საავიაციო პლატფორმა არის ზუსტად ის, რაც ამჟამად გვაკლია საჰაერო თავდაცვის სისტემაში, რათა დავიცვათ ჩვენი მშვიდობიანი ქალაქები და ჩვენი ჯარისკაცები ფრონტზე" - თქვა მან
რეზნიკოვმა ასევე აღნიშნა, რომ დასავლური თვითმფრინავები მნიშვნელოვანი ელემენტი გახდება უკრაინის ცის დასაცავად.
