"ახალი კოლა" რუსეთისთვის | საქართველოში წარმოებული სასმელი "არგოს" ოკუპანტ ქვეყანაში გააქვს
გამოქვეყნდა:
ახალი კოლა სანქცირებული რუსული ბაზრისთვის. საქართველო ოკუპანტი ქვეყნისთვის გამაგრილებელი სასმელების ერთ-ერთი მთავარი მიმწოდებელი ხდება. ქართული კომპანია არ აკეთებს განმარტებებს დასავლური სანქციების მიუხედავად პროდუქციის წარმოების და რუსეთში ექსპორტის შესახებ, მაგრამ თავად იმპორტიორ კომპანიაში ყველაფერს ადასტურებენ.
ასევე სრული ინფორმაცია, პროდუქტის ეტიკეტზეა დატანილი. მთვარი კითხვა, რომელსაც ეს ბიზნეს ოპერაცია აჩენს, კვლავ ხელისუფლებისკენ მიდის - რატომ უშვებს "ქართული ოცნება" საქართველოდან რუსეთის მომარაგებას სანქცირებული საქონლით, რაც პირდაპირ ნიშნავს სანქციების გვერდის ავლას.
