ერთიანი ნაციონალური მოძრაობა სემეკის რიგგარეშე სხდომის ჩანიშვნას და კომუნალური გადასახადების შემცირებას ითხოვს. ოპოზიციის წარმომადგენლების განმარტებით, პანდემიის პერიოდში ვალუტის კურსის გაუფასურების გამო კომუნალური გადასახადები 43%-ით გაიზარდა, დღეს კი ლარის კურსი წინა წლებთან შედარებით გამყარებულია, რაც იძლევა შესაძლებლობას რომ სემეკმა გადახედოს არსებულ ტარიფებს და შეამციროს გადასახადები გაზზე, წყალსა და ელექტროენერგიაზე.
