ვაკეში, მოსაშვილზე მდებარე კაფეში სროლის ამსახველი ვიდეოკადრები ვრცელდება, რომელიც სავარაუდოდ ობიექტზე დამონტაჟებულმა ვიდეოსათვალთვალო კამერამ გადაიღო. კადრებში კარგად ჩანს როგორ შედის კაფეში ახალგაზრდა და ერთ-ერთი მაგიდის მიმართულებით ცეცხლსასროლი იარაღიდან ისვრის. ამის შემდეგ კი ტერიტორიას ტოვებს. კადრების მიხედვით, თავდამსხმელს ღია ფერის მაისური აცვია და კეპი ახურავს. მას არ უკეთია ნიღაბი.
თავდასხმა კაფე "სტრადაში" მოხდა. შსს- მ გამოძიება სისხლის სამართლის კოდექსის 19-108-ე და 236-ე მუხლებით დაიწყო, რაც განზრახ მკვლელობის მცდელობას და ცეცხლსასროლი იარაღის უკანონო ტარებას გულისხმობს. უწყება მხოლოდ 1 პირის დაჭრის ფაქტს ადასტურებს.