ავსტრიის მთავრობა უკრაინას ტერიტორიების განაღმვისთვის 2 მლნ ევროს გამოუყოფს, - ამის შესახებ ინფორმაციას ავსტრიის კანცლერი კარლ ნეგამერი ავრცელებს.
მისივე თქმით, თანხები სლოვენური ორგანიზაცია "International Trust Fund" ანგარიშზე გადაირიცხება.
"ყველაფერი იგივე რჩება: არცერთი ავსტრიელი ჯარისკაცი არ დადგამს ფეხს უკრაინის მიწაზე, სანამ ის საბრძოლო ზონაა. ჩვენ დავეხმარებით განაღმვის ზონაში ფინანსური მხარდაჭერით და გამოვუყოფთ 2 მილიონ ევროს განაღმვისთვის", - ნათქვამია კანცლერის წერილში
ავსტრიის საგარეო საქმეთა სამინისტროს ხელმძღვანელმა, ალექსანდრ შალენბერგმა კი ხაზგასმით აღნიშნა, რომ ავსტრიის მთავრობა მტკიცედ დგას უკრაინისა და უკრაინელების მხარეს, რომელიც რუსული აგრესიის ყოველდღიური მსხვერპლია.
