კოსოვოში მოსახლეობას შორის შეტაკების დროს NATO-ს 41 ჯარისკაცი, მათ შორის 11 იტალიელი, დაშავდა.
იტალიის საგარეო საქმეთა მინისტრის, ანტონიო ტაიანის თქმით, დაშავებულებიდან 3 იტალიელი მძიმე მდგომარეობაშია, თუმცა მათ სიცოცხლეს საფრთხე არ ემუქრება.
სერბეთის სახელმწიფო მაუწყებლის RTS-ის ცნობით კი, სერბეთის მხრიდან, 50-ზე მეტი ადამიანი დაშავდა. დაშავებულებს შორის არის ზვეჩანის ყოფილი თავმჯდომარე დრაგიშა მილოვიჩი, რომელიც გულმკერდის არეში დაიჭრა.
ცნობისთვის, კოსოვოში ვითარება მას შემდეგ დაიძაბა, რაც სერბებით დასახლებულ ქალაქ ზვეჩანში ეთნიკურად ალბანელი მერი აირჩიეს.
