რუსეთი მკვეთრად ამცირებს Superjet-100-ის წარმოებას - ეს თვითმფრინავები "აზიმუტის" ბალანსზეცაა
გამოქვეყნდა:
ჩვენთან ერთად მოიპოვეთ თავისუფლება!
რუსეთი მკვეთრად ამცირებს იმ თვითმფრინავების წარმოებას, რომლითაც ავიაკომპანია Азимут საქართველოში ასრულებს რეისებს. მიზეზი Superjet 100-სთვის იმპორტირებული კომპონენტების დეფიციტია, რომელიც რუსეთის წინააღმდეგ დაწესებულმა ეკონომიკურმა სანქციებმა განაპირობა.
შედეგად, ხაბაროვსკის ტერიტორიის მრეწველობისა და ვაჭრობის მინისტრმა ევგენი რომანოვმა განაცხადა, რომ 2023 წელს სამჯერ ნაკლები Superjet-100 თვითმფრინავი იქნება წარმოებული - 19-ის ნაცვლად 6 ცალი.
Superjet 100, რომელიც ამურის კომსომოლსკში მდებარე კორპორაცია Иркут-ში იწყობა, ჩანაცვლდება ახალი მოდელით, Sukhoi Superjet New-ით, რომელშიც მთლიანად რუსული წარმოების კომპონენტები იქნება გამოყენებული.
Sukhoi Superjet New-ის პირველი საცდელი ფრენა ივნისში შესრულდება.
"შექმნილ ვითარებაში კორპორაციის ირკუტის საწარმოო ცენტრმა კომსომოლსკ-ონ-ამურში გაააქტიურა მუშაობა Sukhoi Superjet New პროექტზე. ახალი თვითმფრინავის პირველი ფრენა 21 ივნისს იგეგმება“, - განაცხადა რომანოვმა.
