უკრაინა მზადაა კონტრშეტევისთვის - ზელენსკი

გამოქვეყნდა:

უკრაინა მზადაა კონტრშეტევისთვის - განაცხადა პრეზიდენტმა ვოლოდიმირ ზელენსკიმ The Wall Street Journal-თან ინტერვიუში.

მისი თქმით, მიუხედავად იმისა, რომ უკრაინას სურს ჰქონდეს დამატებითი რესურსი კონტრშეტევისთვის, მას არ შეუძლია თვეები ლოდინი.

„ზუსტად არ ვიცი, რამდენი დრო დასჭირდება და რა ფასს გადავიხდით“, – განაცხადა მან.

მისივე თქმით, უკრაინის ხელისუფლებას და სარდლობას მტკიცედ სჯერა კონტრშეტევის წარმატების.

„არ ვიცი რამდენ ხანს გაგრძელდება. მართალი გითხრათ, სიტუაციის განვითარების რამდენიმე ვარიანტი არსებობს, სრულიად განსხვავებული. მაგრამ ჩვენ მზად ვართ“, - განაცხადა ზელენსკიმ.

სახელმწიფოს მეთაურმა ასევე ხაზგასმით აღნიშნა, რომ უკრაინას სჭირდება დამატებითი პატრიოტის კომპლექსები, რათა დაიცვას როგორც მშვიდობიანი მოსახლეობა, ისე ჯარისკაცები ფრონტის ხაზზე.

მთავარი 12:00
უყურეთ ბოლო გამოშვებას

იხილეთ ჩვენს ეთერში

დღის მთავარი