10 ივნისის ღამეს რუსეთი უკრაინის ქალაქ ოდესას შაჰიდის დრონებით თავს დაესხა. უკრაინული სარდლობის ინფორმაციით, საჰაერო თავდაცვის ძალებმა თავდასხმის დროს ყველა უპილოტო საფრენი აპარატი გაანადგურეს, რის შედეგადაც ერთ-ერთ საცხოვრებელ კორპუსში ხანძარი გაჩნდა.
რუსეთის თავდასხმას 3 მშვიდობიანი მოქალაქე ემსხვერპლა, 26 კი დაშავდა.
"საჰაერო თავდაცვის ძალებმა ოდესაზე თავდასხმის დროს ყველა დრონი გაანადგურეს.
საჰაერო ბრძოლის შედეგად ერთ-ერთი დრონის ფრაგმენტები მაღალსართულიან ბინას მოხვდა, რამაც ხანძარი გამოიწვია.
შემთხვევის ადგილზე გაჩნდა ხანძარი 50 კვადრატულ მეტრ ფართობზე, რომელიც უკვე ლიკვიდირებულია", - ნათქვამია განცხადებაში.
