თურქეთის დედაქალაქ ანკარაში, ელმადაღის რაიონში, მანქანათმშენებლობისა და ქიმიური მრეწველობის (MKE) ქარხანაში აფეთქება მოხდა. თურქეთის თავდაცვის სამინისტროს ცნობით, შემთხვევის შედეგად 5 მუშა დაიღუპა რამდენიმე კი დაშავდა.
აფეთქება ქარხანაში 10 ივნისს დილით მოხდა. პირველადი ინფორმაციით, აფეთქებამდე ქარხანაში ხანძარი გაჩნდა.
გავრცელებული ინფორმაციით, დაშავებულების მდგომარეობა მძიმეა, ისინი კლინიკაში გადაიყვანეს.
მომხდარზე დაწყებულია გამოძიება.
