დღეს, 13:00 საათზე, საქალაქოში, ლაზარე გრიგორიადისის მორიგი პროცესი აქციის ფონზე გაიმართება
გამოქვეყნდა:
მარტის აქციებზე დაკავებული ლაზარე გრიგორიადისის მორიგი სხდომა დღეს, 13 ივნისს, 13:00 საათზე გაიმართება. პარალელურად, საქალაქო სასამართლოს ეზოში საპროტესტო აქციაა დაგეგმილი.
შეგახსენებთ, რომ 31 მარტს თბილისის საქალაქო სასამართლომ მარტის აქციებზე დაკავებულ ლაზარე გრიგორიადისს აღკვეთის ღონისძიების სახით პატიმრობა შეუფარდა.
შსს-ს მტკიცებით, მან 7 მარტის საპროტესტო აქციაზე ორჯერ ისროლა ე.წ მოლოტოვის კოქტეილი პოლიციელების მიმართ, რის შედეგადაც რამდენიმე პოლიციელი დაშავდა. მას ასევე ბრალი ედება პოლიციის კუთვნილი მანქანის დაწვაში.
საქმეზე გამოძიება სსკ-ის 353-ე პრიმა და 187-ე მუხლებით მიმდინარეობს. ბრალის დამტკიცების შემთხვევაში, დაკავებულს 7-დან 11 წლამდე პატიმრობა ემუქრება.
