"აღარასოდეს გავიმეორებთ წარსულის შეცდომებს" - გახარია ომის 12 წლისთავს წერილით ეხმაურება

გამოქვეყნდა:

ჩვენ აღარასოდეს გავიმეორებთ წარსულის შეცდომებს- ასე ეხმაურება 2008 წლის აგვისტოს ომის 12 წლისთავს ქვეყნის პრემიერმინისტრი.

​გიორგი გახარია წერილს აქვეყნებს, სადაც წერს რომ მშვიდობას ალტერნატივა არ აქვს და სწორედ ამიტომ, ხელისუფლების არჩევანია "მშვიდობიანი, რაციონალური და თანამიმდევრული პოლიტიკა"

12 წელი სრულდება მას შემდეგ, რაც ჩვენი ქვეყნის უახლეს ისტორიაში უმძიმესი დღეები გამოვიარეთ.

2008 წლის რუსეთ-საქართველოს ომმა ასეულობით ჩვენი მოქალაქის, მათ შორის მშვიდობიანი მოსახლეობის სიცოცხლე შეიწირა, დავკარგეთ ჩვენი გმირი ჯარისკაცები, ტერიტორიები. ეს იყო ტრაგედიით სავსე დღეები, რომელმაც დაგვიტოვა უდიდესი ტკივილი და მძიმე შედეგები.

ჩვენ არასოდეს შევეგუებით ოკუპაციას.
ჩვენ ამ გამოწვევის გადაჭრის მშვიდობიან გზაზე ვდგავართ და ამ პროცესში ჩვენს გვერდით დგანან ჩვენი საერთაშორისო პარტნიორები.

ჩვენ აღარასოდეს გავიმეორებთ წარსულის შეცდომებს, რადგან კარგად ვიცით, რომ მშვიდობას ალტერნატივა არა აქვს და რომ სწორედ მშვიდობა, ერთობლივი შრომა და ეკონომიკური წინსვლა, განვითარებაა ჩვენი ქვეყნის გამთლიანების წინაპირობა.

სწორედ ამიტომ, ჩვენი ხელისუფლების არჩევანი არის მშვიდობიანი, რაციონალური და თანამიმდევრული პოლიტიკა, რომელიც აუცილებლად მიგვიყვანს საბოლოო მიზნამდე - სრულ დეოკუპაციამდე და ხელოვნურად გახლეჩილი საზოგადოებების ერთიან, დემოკრატიულ, ევროპულ სახელმწიფოში მშვიდობიან თანაცხოვრებამდე" წერს გახარია

12 წლის წინ, 7 აგვისტოს რუსული არმია როკის გვირაბის გავლით საქართველოში შემოიჭრა და ომი დაიწყო.

მთავარი 18:00
უყურეთ ბოლო გამოშვებას

იხილეთ ჩვენს ეთერში

დღის მთავარი