ატლანტის ოკეანეში გაუჩინარდა წყალქვეშა ნავი, რომელსაც ტურისტები "ტიტანიკის" ფრაგმენტების სანახავად მიჰყავდა
გამოქვეყნდა:
ატლანტის ოკეანეში გაუჩინარდა წყალქვეშა ნავი, რომელსაც ტურისტები ჩაჰყვადა 1912 წელს ჩაძირული ცნობილი გემის, "ტიტანიკის" ფრაგმენტების დასათვალიერებლად.
ამერიკული და კანადური მხარე სამძებრო-სამაშველო სამუშაოებს ატარებს. ნავი 18 ივნისს გაუჩინარდა კანადის სამხრეთ-აღმოსავლეთ სანაპიროსთან.
აშშ-ს სანაპირო დაცვამ თქვა, რომ ბორტზე ერთი ლოცმანი და ოთხი მგზავრი იმყოფებოდა და რომ გემს შეეძლო 70-დან 96 საათამდე ყოფილიყო წყალქვეშ. ბიზნესმენი ჰამიშ ჰარდინგი ერთ-ერთი მგზავრია, ნათქვამია კომპანია Action Aviation-ის სოციალურ მედიაში გამოქვეყნებულ პოსტში.
წყალქვეშა ნავმა დაკარგა კონტაქტი Polar Prince-ის ეკიპაჟთან, დამხმარე გემთან, რომელმაც ნავი ადგილზე გადაიყვანა, 1 საათისა და 45 წუთის შემდეგ მისი ჩაშვებიდან, აცხადებენ ოფიციალური პირები, მაგრამ გაურკვეველი იყო ის ისევ წყალქვეშ იმყოფებოდა, თუ ზედაპირზე და ვერ ახერხებდა კონტაქტზე გასვლას.
ორშაბათს, აშშ-ს სანაპირო დაცვამ განაცხადა, რომ ყველა აქტივობას ატარებს ნავის მოსაძებნად, მაგრამ ძალისხმევას ართულებს ამინდი.
